報價與價格
個價點計、包咩唔包咩、會唔會中途加錢。
裝修套餐嘅價錢係咪固定？
唔係固定價。居屋寶現時3個套餐（基本工程套餐 HK$40,480 起、優悅裝修套餐 HK$129,800 起、星級設計訂製套餐 HK$206,800 起）列出嘅係按單位實用呎數分級嘅參考起始價，實際價格要上門度尺、確認單位狀況同項目數量之後，以正式報價單為準。度尺同報價唔收費。喺比較表揀返你嘅單位大細，就會見到嗰一級嘅實際價錢，而唔係一個「起」字。
報價流程係點？
四步：一、用 WhatsApp 或者聯絡表格留低單位資料同需求；二、我哋安排上門度尺；三、之後提供逐項列明工程範圍同數量嘅報價單；四、你確認報價之後先開工。度尺同報價唔收費，過程中不會有未經同意嘅加項。
報價之後會唔會中途加錢？
唔會有未經你同意嘅加項。報價單會逐項列明工程範圍同數量，確認之後先開工；報價單內容如有任何增減，必須以「工程變更單」（VO）方式記錄並由你簽署確認，工程先可以按新內容繼續，每份變更單會列明新嘅完工時間表同預算變動。要留意兩件事：一、套餐報價係「包工不包料」性質，燈具、潔具等貨品建議你自己揀款式；二、如果單位有老化或者結構問題（例如喉管鏽蝕、石屎剝落），我哋會喺度尺時當面指出，先出書面報價、你確認咗先施工。詳見服務條款。
套餐同報價唔包啲咩？
套餐係「包工不包料」——燈具、潔具呢類貨品由你自己揀款式，套餐已包安裝同工程費。磁磚包唔包每個套餐唔同（最入門嗰個未包磚；中間嗰個已包廳房木紋磚，不拆廚廁時廚廁磚不適用；最高嗰個連廚廁牆地磚都包），套餐比較表有逐項說明。至於正式報價單，除非另有列明，一般唔包括：保險項目、燈具、牆紙、牆布、布藝、窗簾、潔具、大門鎖、暗氣鼓、任何電器、煤氣爐、智能家居系統、調光系統、特別電掣面、散件傢俬，以及指定款式以外嘅房門鎖同特殊五金。實際以你嗰份正式報價單為準。
可唔可以由你哋代買材料同電器？
可以。如需由我哋代為採購指定物料或設備（例如冷氣、廚房電器、潔具、燈飾等），代購服務費為供應商報價嘅 10%。條文見服務條款。
訂金與付款
訂金退唔退得、工程費幾時俾幾多。
HK$3,000 訂金係咩嚟？退唔退得？
落訂金唔係俾工程費，而係鎖住你揀嗰個套餐嘅價錢 30 天，並排上門度尺。退款分三種情況：上門度尺前取消，訂金全數退還；度尺後至簽約前取消，扣除度尺行政費 HK$500 後退還餘額；簽約之後，訂金會自動併入合約首期付款內全數扣除。另外，如果度尺後我哋評估到你個單位用唔到所選套餐（例如結構問題、僭建物），而你唔想轉方案，訂金亦會全數退還、不扣任何費用。所有退款經原付款方式退回，確認後 14 個工作天內處理。完整條款見網上訂金條款細則。
工程費點分期？
簽妥正式報價單後分 4 期付款：簽妥報價單 40%、清拆及水電完成 30%、批盪、地台、傢俬完成 20%、驗收完工後 10 日內 10%。喺網上先行繳付嘅 HK$3,000 訂金，會喺簽妥報價單嗰期全數扣除。條文見服務條款。
可以彈性付款嗎？
可以。我哋係社會企業，理解預算壓力，會按工程階段安排分期付款。實際安排喺報價階段一併談妥，寫入合約。
遲咗俾錢會點？
每次發出繳款通知後 7 日內須繳付。遲繳或者未足額繳付，逾期部分將按月息 2% 計算利息，直至找清為止；我哋亦保留暫停或終止工程嘅權利，直至欠款結清。條文見服務條款。
工程與工期
做幾耐、幾點開工、延誤點算。
大約要做幾耐？
視乎單位面積同間隔改動幅度。以一個 480 呎、連全屋訂造傢俬嘅單位為例，約 75 個工作天；基本工程套餐嘅範圍細好多，日數相應短。上門度尺之後會有你單位嘅準確時間表。
邊一日先算工程開始日期？
條款寫明：你（或授權代表）簽妥報價單後，須於 7 日內繳付訂金；我哋收到訂金當日，即為正式工程開始日期。合約期為工程開始日期起計 365 日。詳見服務條款。
打風落雨會唔會延誤？
如因火災、8 號或以上颱風等惡劣天氣、山泥傾瀉、爆炸、水浸、罷工、地震、恐怖活動或戰爭、暴動、公用設施／通訊／電腦系統故障等超出我哋合理控制範圍嘅事件導致工程延誤，我哋會通知你，你同意就相關影響給予合理嘅時間延長。呢條不可抗力條文見服務條款。
如果係你哋延誤，有冇賠償？
有。如延誤純粹由我哋造成，我哋會按合約總額每星期 0.5% 作出賠償，上限為合約總額 3%。但如果完工日期係因為客人遲付款、非我哋聘用嘅其他承包商延誤、現場未能提供電源／進出，或者不可抗力等原因而延遲，責任不在我哋。條文見服務條款。
舊單位有喉管鏽蝕、石屎剝落，點算？
呢類老化或者結構問題會喺上門度尺嗰陣當面指出，先出書面報價、你確認之後先施工，唔會做咗先算數。另外，如果度尺後評估到個單位根本用唔到你揀嗰個套餐（例如結構問題、僭建物），而你唔想轉方案，訂金會全數退還、不扣任何費用。
服務範圍包括邊啲地區？
香港全 18 區均可安排上門評估。居屋寶專營香港居屋及公屋單位嘅裝修工程同室內設計，作品集可以睇返實際完成過嘅單位。
保養與售後
完工之後仲有咩保障。
完工之後有冇保養？
有。由完工日期起計 12 個月保養期內，因工程本身問題（例如漏水、批盪爆裂、五金鬆脫）造成嘅瑕疵，我哋會跟進維修；視乎成因，部分維修可能需要另行收費。因自然耗損、誤用、疏忽或者未經同意自行改動而引致嘅問題，不在保養範圍內。完整保養條文見服務條款。
「完工」同「移交」有咩分別？
「完工」指報價單內所有項目已於現場安裝完成（可能仍存在待處理嘅瑕疵或缺陷），完工日期會因單位大小而異，並會喺工程時間表上列明。「移交日」係我哋交還鎖匙、遙控、保養卡及圖則畀你嘅日子，可以係完工日或之後；移交日後，我哋對工程嘅保險及賠償責任隨之終止。保養期由完工日期起計，唔係由移交日起計。兩個定義嘅原文見服務條款。
完工後發現瑕疵，點跟進？
我哋會先派員檢查，確認成因同維修嘅合理性，確認之後安排維修；因維修而合理延長嘅時間唔會被視為工程延誤。條文見服務條款。
我間屋嘅相片會唔會俾你哋攞去宣傳？
條款列明：我哋可能因應宣傳及推廣需要，使用你嘅工程項目相關資料（包括相片／影片）作為案例參考——即係作品集嗰啲。實際安排以你簽署嗰份正式報價單及條款文件為準，有顧慮請喺簽署前提出。
圖則下載
平面圖同擺位設計圖點買、點收。
平面圖與擺位設計圖有什麼分別？
平面圖係單位原本嘅間隔同尺寸圖；擺位設計圖就喺平面圖之上加入傢俬擺位建議，幫你判斷實際可以放得落啲乜。兩者每份 HK$16 起。
購買圖則後怎樣收取檔案？
付款成功後，系統會即時把下載連結電郵給你，連結 72 小時內有效。如未收到，請先檢查垃圾郵件資料夾，或聯絡我們補發。
圖則可以退款嗎？
數碼商品一經售出不設退款。如果下載連結失效或者檔案有問題，請聯絡我們，我們會補發。
找不到我的屋苑圖則怎麼辦？
部分屋苑圖則未上架。請 WhatsApp 告訴我們屋苑名稱與座數，我們會協助查找；亦可以先睇屋苑索引有冇同區嘅選擇。
關於居屋寶
我哋係邊間公司、社企身份代表咩。
居屋寶係邊間公司？
居屋寶（Housing Pro）嘅法定名稱係居屋寶工程有限公司，香港商業登記號 74783218，係一間經香港社會企業總會認証機構認證嘅香港社會企業，專營香港居屋及公屋單位嘅裝修工程、室內設計，並提供屋苑平面圖同擺位設計圖下載，服務範圍為香港全 18 區。辦公室喺葵興國瑞路88號新豐中心A座801室，電話 +852 5594 4688，客戶服務辦公時間星期一至五 9:00–18:00。更多關於我哋。
居屋寶是社會企業，這對客戶有什麼影響？
我哋獲香港社會企業總會認証機構認證，宗旨是「以人為本、助人自助」——為長者及低收入家庭提供可負擔裝修，同時透過培訓與就業機會幫助弱勢自力更生。對客戶而言，就是價格透明、方案務實，而你的工程亦支持了這個循環。
想知道自己的單位大概要幾多錢？
WhatsApp 傳給我們平面圖與需求，我們會回覆初步預算範圍，不收費、不硬銷。